Health Tips : चहामध्ये चिमूटभर हा पदार्थ टाका, बनेल हेल्दी ड्रिंक; घशाच्या त्रासांपासून मिळेल आराम

आरोग्य तज्ज्ञांच्या मते चहामध्ये चिमूटभर काळे मीठ टाकल्याने ते आरोग्यदायी पेय बनते. हे आरोग्यासाठी खूप गुणकारी मानले जाते. हा चहा प्यायल्याने शरीराला अनेक फायदे मिळू शकतात. चला जाणून घेऊया मिठाचा चहा पिण्याचे फायदे आणि ते बनवण्याची पद्धत.

रोगप्रतिकारशक्ती वाढवते : डॉ मोहम्मद आसिफ नागौरी यांच्या मते, मीठयुक्त चहाचे सेवन केल्याने रोगप्रतिकारशक्ती मजबूत केली जाऊ शकते. मजबूत प्रतिकारशक्ती शरीराला अनेक प्रकारच्या समस्यांपासून वाचवण्यास मदत करते.

वजन कमी करते : चहामध्ये थोडेसे काळे मीठ टाकल्याने त्याची चव वाढते. तसेच असा चहा प्यायल्याने शरीरातील चयापचय क्रिया वाढते आणि वजन कमी होण्यास मदत होते.

घसादुखीपासून आराम मिळतो : मीठ घालून चहा प्यायल्याने सर्दी-खोकल्यापासून सुटका मिळते. तसेच घशाची खवखव आणि वेदनादेखील कमी होतात.

डोकेदुखीपासून आराम मिळतो : तुम्ही डोकेदुखीच्या समस्येने त्रस्त असाल तर मीठ घालून चहा बनवून प्या. या चहाचे सेवन केल्यास डोकेदुखीची समस्या दूर होण्यास मदत होते.

मिठाचा चहा बनवण्याची पद्धत : मिठाचा चहा बनवण्यासाठी चहा पत्ती, मीठ आणि साखर घ्या. तुम्ही विना साखरेचाही चहा बनवू शकता. काळा चहा प्यायचा असल्यास हा चहा दुधाशिवायही बनवता येतो. मिठाचा चहा बनवण्यासाठी पाण्यात चहा पत्ती, मीठ आणि साखर उकळवा. मग तुम्हाला हवे असल्यास तुम्ही चहा दुधात किंवा दुधाशिवाय उकळून प्या.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)