Weather Update : हायअलर्ट! राज्यातील या जिल्ह्यांमध्ये अतिमुसळधार पावसासह आणखी एक संकट, सतर्कतेचा इशारा

आज साताऱ्यातील घाट भागात अतिमुसळधार पावसाचा इशारा देण्यात आला आहे. हवामान विभागाने जिल्ह्यात ऑरेंज अलर्ट जारी केला आहे. तर पुण्यातही आज मुसळधार पावसाचा अंदाज आहे.

ठाणे, रायगड, रत्नागिरी, सिंधुदूर्ग, नाशिक, पुणे, कोल्हापूर या जिल्ह्यांनाही अतिमुसळधार पावसाचा इशारा देण्यात आला आहे. सर्व जिल्ह्यांमध्ये यलो अलर्ट जारी करण्यात आला आहे.

मुंबई शहर आणि उपनगरात आज आकाश अंशतः ढगाळ राहील आणि मधूनमधून मध्यम पाऊस पडेल. इथे कमाल आणि किमान तापमान अनुक्रमे 33°C आणि 27°C च्या आसपास असेल.

तर, काही ठिकाणी पावसासोबतच आणखी एक संकट म्हणजेच वादळी वारा आणि विजांच्या कडकडाटाचाही अंदाज आहे. विदर्भातील जिल्ह्यांमध्ये तुरळक ठिकाणी विजांच्या कडकडाटासह वादळ, सोसाट्याचा वारा (30-40 किमी प्रतितास वेग) आणि मध्यम पाऊस पडण्याची शक्यता आहे.

कोकणातील जिल्ह्यांमध्ये तुरळक ठिकाणी मुसळधार ते अतिमुसळधार पाऊस पडण्याची शक्यता आहे. मध्य महाराष्ट्रातील जिल्ह्यांमध्ये घाट भागातील तुरळक ठिकाणी मुसळधार ते अतिमुसळधार पाऊस पाऊस पडण्याची शक्यता आहे.

उत्तर मध्य महाराष्ट्र आणि मराठवाड्यातील जिल्ह्यांमध्ये तुरळक ठिकाणी विजांच्या कडकडाटासह वादळ, सोसाट्याचा वारा (40-50 किमी प्रतितास वेग) आणि मध्यम पाऊस पडण्याची शक्यता आहे.

अकोला, अमरावती, भंडारा, बुलडाणा, गडचिरोली, चंद्रपूर, गोंदिया, नागपूर, वर्धा, वाशिम, यवतमाळ या सर्व जिल्ह्यांमध्ये यलो अलर्ट देण्यात आला आहे. इथे वादळी वारा आणि विजांच्या कडकडाटासह पावसाचा अंदाज आहे.