3 शुभ योग एकाच दिवशी, अमावस्येला आयुष्यात उजेड पाडण्याची सुवर्णसंधी!

अमावस्येला स्वच्छ स्नान करून दान करणं, पितरांना नैवेद्य दाखवणं हे पुण्याचं मानलं जातंच, परंतु यंदाच्या चैत्र अमावस्येला 3 शुभ योग जुळून आल्याने दुप्पट पुण्य मिळू शकतं.

अमावस्येला सर्वार्थ सिद्धि योग, शोभन योग आणि सौभाग्य योग जुळून येणार आहेत. सर्वार्थ सिद्धी योग दुपारी 01:35 वाजता सुरू होईल जो 9 मे रोजी सकाळी 05:30 वाजता संपेल. सौभाग्य योग 7 मेच्या रात्री 09:00 वाजता सुरू होईल आणि 8 मेच्या संध्याकाळी 05:40 वाजता संपेल. त्यानंतर शोभन योग सुरू होईल जो रात्रभर असेल. 

या दिवशी शनी चालिसेचं पठण केल्यास शनीच्या साडेसातीसह अनेक दोषांपासून मुक्ती मिळते. शिवाय आपल्या कुंडलीतील शनीचा नकारात्मक प्रभावही कमी होतो.

पितृदोषापासून मुक्ती मिळवण्यासाठी या दिवशी भगवद्गीतेचं पठण करावं. तसंच गरजूंना दान करावं. भूकेलेल्या व्यक्तीला अन्न दिल्याने पितृदोष दूर होतोच, शिवाय घरात सुखाचं वातावरण नांदतं. 

आपल्या परिसरात पिंपळाचं झाड असेल तर अमावस्येच्या दिवशी सकाळी या झाडाला पाणी देऊन दिवा लावा. त्यामुळे पूर्वजांच्या आत्म्याला शांती मिळते.

तसंच कुंडलीतला कालसर्प दोष दूर करण्यासाठी या दिवशी मंदिरात जाऊन शिवलिंगावर असलेल्या सर्पाला अभिषेक करावा, त्याची विधीवत पूजा करावी. त्याचबरोबर नदीत तांब्याचा सर्प अर्पण केल्यासही कुंडलीतला कालसर्प दोष दूर होतो.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)