पुणे: आंतरजातीय विवाहातून हल्ला, दाजीला मारून बहिणीला उचलून नेणाऱ्या भावांना अटक, तरुणीचं काय झालं?

या प्रकरणी खेड पोलिसांनी आज मुलीची आई आणि तिच्या दोन भावांना अटक केली आहे. त्यांना आज न्यायालयात हजर केले जाणार आहे. या घटनेमुळे परिसरात तणावाचे वातावरण निर्माण झाले असून, पोलिसांकडून पुढील तपास सुरू आहे.

मिळालेल्या माहितीनुसार, ३९ वर्षीय जखमी तरुण विश्वनाथ गोसावी याचं प्राजक्ता नावाच्या एका २८ वर्षीय तरुणीसोबत प्रेमसंबंध होते. दोघांनी ५ ऑगस्ट २०२४ रोजी आळंदी इथं वैदिक पद्धतीने विवाह केला होता. पण हे लग्न मुलीच्या घरच्यांना मान्य नव्हतं. याच कारणातून ३ ऑगस्ट रोजी विश्वनाथ यांना बेदम मारहाण करण्यात आली. मारहाण करणाऱ्यांमध्ये मुलीच्या दोन भावांसह आई आणि इतर १५ जणांचा समावेश होता.