Pune Crime : बाणेरमधील त्या बेपत्ता ज्येष्ठाचा झाडीत मृतदेह; रिक्षाचालकाचं निर्दयी कृत्य ५ महिन्यांनी उघड, दिल्लीतून अटक

२० जुलै रोजी बालेवाडी फाटा येथे रस्ता ओलांडणाऱ्या एका ज्येष्ठ नागरिकाला इसाराईलच्या रिक्षाने जोरदार धडक दिली. अपघात होताच स्थानिक लोक जमा झाले. यावेळी पोलिसांनी पकडू नये म्हणून इसाराईलने 'मी यांना दवाखान्यात नेतो' अशी बतावणी केली आणि त्यांना रिक्षेत बसवून तिथून निघून गेला.

सीसीटीव्ही फुटेज आणि तांत्रिक तपासावरून पोलिसांना रिक्षाचालकाची माहिती मिळाली. आरोपी इसाराईल हा दिल्लीतील महिपालपूर भागात लपून बसल्याची माहिती मिळताच बाणेर पोलिसांचे पथक तिथे रवाना झाले. तब्बल आठ दिवस दिल्लीत तळ ठोकून पोलिसांनी त्याला शिताफीनं ताब्यात घेतलं. पुण्यातील अतिरिक्त पोलीस आयुक्त मनोज पाटील आणि वरिष्ठ पोलीस निरीक्षक चंद्रशेखर सावंत यांच्या मार्गदर्शनाखाली ही कारवाई करण्यात आली.