1 बॉलमध्ये हव्या होत्या 4 रन... 19 वर्षांच्या खेळाडूने मारला असा शॉट, पाहून जग हैराण, Video

ऑलिव्हर पीकेला सामनावीराचा पुरस्कार मिळाला. त्याने 30 बॉलमध्ये नाबाद 42 रन करून मेलबर्न रेनेगेड्सच्या विजयात महत्त्वाची भूमिका बजावली. या डावात त्याने एक सिक्स आणि चार फोर मारले, शेवटचा बॉलवर मेलबर्नला विजयासाठी 4 रनची आवश्यकता होती.

आरोन हार्डीने पर्थ स्कॉर्चर्ससाठी शेवटची ओव्हर टाकली. जिंकण्यासाठी एका बॉलवर चार रन हव्या होत्या. अशा परिस्थितीत सर्वोत्तम बॅटरही घाबरतात. अशा परिस्थितीत ऑलिव्हर पीकेने जे केलं ते कोणताही बॅटर करणार नाही. ऑलिव्हर पीकेने वाइड जाऊन फाइन लेगवर शॉट मारला. जे खूपच धोकादायक होते, पण सुदैवाने बॉलचा बॅटला चांगला स्पर्श झाला बाऊंड्री लाईनच्या बाहेर गेला, त्यामुळे मेलबर्नला सिक्स रन मिळाल्या आणि त्यांनी 4 विकेटने सामना जिंकला.

टॉस गमावल्यानंतर पहिले बॅटिंग करताना पर्थ स्कॉर्चर्सची सुरूवात खराब झाली. त्यांनी 49 रनवर 3 विकेट गमावल्या. पर्थकडून एरॉन हार्डीने सर्वाधिक 44 रन केल्या, तर 5 बॅटर दुहेरी धावसंख्याही गाठू शकले नाहीत. मेलबर्न रेनेगेड्सकडून गुरिंदर संधूने 4 ओव्हरमध्ये 28 रन देऊन सर्वाधिक 4 विकेट घेतल्या. हसन खानने 2, तर विल सदरलँड आणि जेसन बेहरेनडॉर्फ यांनी प्रत्येकी 1 विकेट घेतली.

मेलबर्न रेनेगेड्सचा हा तिसरा विजय आहे. 6 गुणांसह, त्यांची बिग बॅश लीग पॉइंट टेबलमध्ये सहाव्या स्थानावर आहे. पर्थ स्कॉर्चर्सचा हा तिसरा पराभव आहे. 8 गुणांसह, त्यांची टीम टेबलमध्ये दुसऱ्या स्थानावर आहे.