IND vs WI : वेस्ट इंडिज विरुद्ध पहिल्याच सामन्यात, 579 कोटी रुपयांच्या जर्सीमध्ये मैदानात उतरली टीम इंडिया

पूर्वी, ड्रीम 11भारतीय संघाचे जर्सी स्पॉन्सर होते, परंतु अलिकडेच देशात फॅन्टसी बेटिंग अॅप्सवर बंदी घालण्यात आल्याने, ड्रीम11 ला करार अर्ध्यावरच सोडावा लागला. त्यानंतर, अपोलो टायर्सने बीसीसीआयला मार्च 2028 पर्यंत एक मोठा करार ऑफर केला, जो बोर्डाने लगेच स्वीकारला. परिणामी, भारतीय जर्सीवरील अपोलो टायर्स ब्रँडिंग पुढील अडीच वर्षांसाठी संघाची नवीन ओळख असेल. या करारानुसार अपोलो टायर्स कंपनी संघाच्या प्रत्येक सामन्यासाठी सुमारे 4.5 कोटी रुपये खर्च करणार आहे. हे रक्कम मागील स्पॉन्सर ड्रीम11 ने दिलेल्या 4 कोटी रुपयांपेक्षा जास्त आहे.

पहिल्या कसोटी सामन्यात वेस्ट इंडिजचा कर्णधार रोस्टन चेसने नाणेफेक जिंकून प्रथम फलंदाजीचा निर्णय घेतला. भारतीय कर्णधार शुभमन गिलने सांगितले की, टीम इंडिया दोन वेगवान गोलंदाज आणि तीन फिरकीपटूंच्या संतुलित संयोजनासह खेळेल. या सामन्यासाठी नितीश कुमार रेड्डी यांनाही संघात परत घेण्यात आले आहे. दरम्यान, वेस्ट इंडिजच्या संघाने प्लेइंग इलेव्हनमध्ये दोन फिरकीपटू आणि दोन वेगवान गोलंदाजांचा समावेश केला आहे. शिवाय या सामन्याची सुरुवात वेस्ट इंडिजसाठी खास चांगली झाली नाही 40.3 ओव्हर्समध्ये 155/9 विकेट त्यांना गमवावे लागले आहेत. तर याउलट भारतीय संघाने टॉस गमावूनसुद्धा सामन्यात वर्चस्व टिकवून ठेवले आहे.

हा सामना विशेष आहे कारण हा भारताचा घरच्या मैदानावर पहिलाच कसोटी सामना आहे, ज्यामध्ये विराट कोहली, रोहित शर्मा आणि रविचंद्रन अश्विन सारख्या दिग्गज खेळाडूंचा समावेश नाही. या तिघांच्या निवृत्तीनंतर, टीम इंडियाने एका नवीन युगात प्रवेश केला आहे. अहमदाबाद कसोटी तरुण खेळाडूंना स्वतःला सिद्ध करण्याची एक महत्त्वाची संधी आहे.