IND vs WI: 'मियां मैजिक'ची कमाल! जे कोणी करू शकलं नाही ते सिराजने करुन दाखवलं

या सामन्यातील प्रभावी कामगिरीच्या जोरावर सिराजने एक मोठा विक्रम आपल्या नावावर केला आहे. त्याने या वर्षातील (२०२५) सर्वाधिक कसोटी विकेट्स घेणारा भारतीय गोलंदाज हा मान पटकावला आहे. त्याची ही विक्रमी कामगिरी केवळ भारतीय क्रिकेटसाठीच नव्हे, तर जागतिक स्तरावरही चर्चा विषय ठरली आहे.

मोहम्मद सिराज आता जगातील दुसरा सर्वाधिक कसोटी विकेट्स घेणारा गोलंदाज ठरला आहे. सिराजच्या नावावर या वर्षात आतापर्यंत एकूण ३० कसोटी विकेट्स जमा झाल्या आहेत. ही संख्या त्याला जागतिक क्रमवारीत दुसऱ्या स्थानावर घेऊन जाते.

या कामगिरीमुळे सिराजने ऑस्ट्रेलियाचा अनुभवी वेगवान गोलंदाज मिचेल स्टार्कला मागे टाकले आहे, ज्याच्या नावावर २०२५ मध्ये आतापर्यंत २९ विकेट्सची नोंद आहे. सध्या, या यादीत झिम्बाब्वेचा ब्लेसिंग मुज़ारबानी ३६ विकेट्ससह पहिल्या क्रमांकावर आहे. सिराजची ही झेप त्याची उत्कृष्ट फॉर्म आणि कसोटी क्रिकेटमधील वाढती पकड दर्शवते. 'मियाँ मॅजिक'ने अहमदाबादमध्ये इतिहास रचत क्रिकेट विश्वात खळबळ माजवली आहे.