Trending:

IND vs AUS: वर्ल्डकप गुणतक्त्यात मोठा उलटफेर, ऑस्ट्रेलिया अव्वल स्थानी; टीम इंडियासाठी आता करो या मरो

Published by:Jaykrishna Nair

Last Updated:October 12, 2025 10:53 PM IST

IND vs AUS: भारतीय महिला क्रिकेट संघाला विश्वचषकात सलग दुसरा पराभव सहन करावा लागला आहे. ऑस्ट्रेलियाविरुद्ध 330 धावा करूनही विजय टीम इंडियाचा पराभव झाला. या मॅचनंतर गुणतक्त्यात मोठा बदल झाला आहे.

इम्पॅक्ट शॉटतुमचा गेटवे लेटेस्ट न्यूज

विशाखापट्टणम: आयसीसी महिला क्रिकेट वर्ल्ड कप भारतीय क्रिकेट संघाचा सलग दुसरा पराभव झाला आहे. ऑस्ट्रेलियाविरुद्ध झालेल्या सामन्यात 330 धावा करून देखील टीम इंडियाला पराभवाचा धक्का बसला. या पराभवामुळे गुणतक्त्यात मोठा उलटफेर झाला आहे. ऑस्ट्रेलियाने विजयाचे लक्ष्य 6 चेंडू आणि 3 विकेट राखून पार केले.

भारताविरूद्धच्या विजयानंतर ऑस्ट्रेलिया संघाने गुणतक्त्यात अव्वल स्थानी बाजी मारली आहे. त्यांचे 4 सामन्यात 3 विजयासह 7 गुण अव्वल स्थानी झेप घेतली असून त्यांचे नेट रनरेट 1.35 इतके आहे. दुसऱ्या स्थानी इंग्लंडचा संघ असून त्यांचे 6 गुण आणि नेट रनरेट 1.86 इतके आहे. तिसऱ्या स्थानी टीम इंडिया असून भारताचे 4 सामन्यात 2 विजय आणि 2 पराभवासह 4 गुण झाले आहेत. भारताचे नेट रनरेट ०.67 इतके आहे.

चौथ्या स्थानावर दक्षिण आफ्रिकेचा संघ असून त्याचे 3 सामन्यात 2 विजय आणि एका पराभवासह 4 गुण आहे. त्यांचे नेट रनरेट वजा 0.88 इतके आहे.

ग्रुप स्टेजमध्ये प्रत्येक संघाला 7 सामने खेळायचे आहेत. आणि अव्वल 4 संघांना बाद फेरीत प्रवेश मिळणार आहे. त्यामुळे भारताला नॉकआऊट फेरीत पोहोचण्यासाठी शिल्लक 3 सामन्यात विजय मिळवणे गरजेचे असेल.

संघ (टीम)	सामने (Mat)	विजय (Won)	पराभव (Lost)	निकाल नाही (NR)	गुण (Pts)	नेट रन रेट (NRR)
ऑस्ट्रेलिया	4	3	0	1	7	+1.353
इंग्लंड	3	3	0	0	6	+1.864
भारत	4	2	2	0	4	+0.677
दक्षिण आफ्रिका	3	2	1	0	4	-0.888
न्यूझीलंड	3	1	2	0	2	-0.245
बांगलादेश	3	1	2	0	2	-0.357
श्रीलंका	3	0	2	1	1	-1.515
पाकिस्तान	3	0	3	0	0	-1.887