Dream11: 39 रुपयांचे झाले 2 कोटी 44 लाख, मंगललाही विश्वास बसेना; बापाच्याही डोळ्यात आलं पाणी

एप्रिल २०२५ मध्ये आयपीएलचे सामने सुरू झाले होते. मंगल हा अनेक वर्षांपासून फॅन्टसी एपवर करोडपती होण्याचं स्वप्न पाहून टीम लावत होता. मार्च महिन्यापासून 49 रुपये गुंतवून 'ड्रीम 11' वर टीम लावायचा. पण प्रत्येक गेममध्ये त्यांचा पराभव व्हायचा. पण 30 एप्रिल रोजी चेन्नई आणि पंजाब मॅच होती. मंगलच्या खात्यात फक्त 39 रुपये शिल्लक होते. तरीही त्याने हार मानली नाही चेन्नई आणि पंजाबच्या मॅचवर एक टीम तयार केली. रात्री उशीर झाल्यामुळे तो झोपी गेला. सकाळी उठून पाहिलं तर मंगलची टीम जिंकली होती. त्याने ४ कोटी रुपये जिंकले होते. विशेष म्हणजे, त्याने आतापर्यंत 77 वेळा मॅच लावली, पण हातात काहीच आलं नाही. 78 व्या वेळी 29 एप्रिल रोजी मंगलने उरलेल्या 39 रुपयांमध्ये शेवटचा एक चान्स म्हणून एकच टीम लावली आणि जिंकला.

मंगल सरोजने ४ कोटी रुपये जिंकले असले तरी त्याच्या हातात पूर्ण रक्कम आली नाही. Dream11 वर जिंकलेल्या रक्कमेवर आयकर अधिनियम, 1961 कलम 56(2)(ib) नुसार अतिरिक्त कमाईनुसार टॅक्स लागेल. ४ कोटी जिंकलेली रक्कम यावर ३० टक्के कर लागला. सरचार्ज आणि सेस मिळून एकूण ३९ टक्के इतका टॅक्स लागतो. Dream11 कडून टीडीएस कपात 1.56 कोटी वजा झाले. त्यामुळे मंगलच्या हातात 2.44 कोटी रुपये आले. ड्रीम ११ वर १० हजारांपेक्षा जास्त जिंकले तर टीडीएल देणे बंधनकारक आहे. त्यामुळे मंगलसला आधी टॅक्स भरावा लागला. तसंच इन्कम टॅक्स रिटर्न फाइल करत असताना ४ कोटी रुपये रक्कम दाखवावी लागेल. Form 26AS मध्ये टीडीएस दाखवावा लागेल की जेणेकरून Dream11 कडून टीडीएस कपात केलं आणि टॅक्स क्रेडिट स्टेटमेंटमध्ये कोणताही फरक नाही हे दाखवावं लागेल.