मोबाईल किंवा कोणतंही गॅझेट खराब झाल्यास वापरा Right to Repair; काय आहे हा कायदा?

नवी दिल्ली : आपण आवड म्हणून एखादं महागडं घड्याळ किंवा स्मार्ट वॉच खरेदी करतो. एखाद्या दुसऱ्या प्रकरणामध्ये घेतलेली वस्तू वर्षाच्या आत खराब होते. मग आपण ती वस्तू घेऊन संबंधित कंपनीच्या सर्व्हिंस सेंटरमध्ये जातो आणि मदत मागतो. तिथे आपली तक्रार ऐकून घेतली जाते आणि आपली वस्तू दुरूस्त करून दिली जाते. मात्र, पार्थ नावाच्या तरुणाला याच्या उलट अनुभव आला. वर्षभरापूर्वी खरेदी केलेल्या महागड्या डिजिटल वॉचचं प्रॉडक्शन बंद झाल्यामुळे त्याला सर्व्हिस सेंटरमध्ये काहीही मदत मिळाली नाही. या प्रकारानंतर आपली फसवणूक झाल्याची सल त्याच्या मनात राहिली. पण, आपल्या देशात ग्राहकांना 'राईट टू रिपेअर'चा अधिकार नसल्याने त्याला कंपनीविरोधात जास्त काही कारवाई करता आली नाही. पण, इतर नागरिकांना अशा परिस्थितीचा सामना करावा लागू नये म्हणून त्याने प्रयत्न केले आणि त्याच्या प्रयत्नांना यश आलं.