Train Ticket Booking: वेटिंग तिकीट अशी कन्फर्म होईल; रेल्वेनेच सांगितली ट्रिक

नवी दिल्ली : रेल्वेने भारतात कोट्यवधी लोक प्रवास करतात. अनेकजण रिझर्व्हेशन करतात, पण कधीकधी त्यांचं तिकीट वेटिंग लिस्टमध्ये असतं. वेटिंग तिकीट मिळालेल्या लोकांच्या मनात संभ्रम असतो. तिकीट कन्फर्म होईल की नाही हे माहीत नसतं, त्यामुळे त्यांना ट्रिप प्लॅन करण्यात अडचणी येतात. कारण त्यांना सुट्ट्या मॅनेज करून जावं लागतं. तिकीट वेटिंग लिस्टमध्ये असलं की ते कन्फर्म होईल की नाही, याचा अंदाज बांधणं कठीण असतं. सध्या अनेक वेबसाईट्स तिकीट कन्फर्म होण्याची शक्यता सांगतात; पण कधीकधी त्यांचंही चुकतं. हे पाहता वेटिंग कन्फर्मेशनबाबत रेल्वेने महत्त्वाची माहिती दिली आहे. किती वेटिंग असल्यास तिकीट कन्फर्म होऊ शकतं आणि कन्फर्मेशनचा फॉर्म्युला काय आहे ते जाणून घेऊयात.