ShaniDev: वाईट अनुभव येणारच! साडेसातीचा कष्टदायी टप्पा सुरू झालाय; 2027 पर्यंत सुटका नाहीच

सध्या शनी ग्रह मीन राशीत विराजमान आहे. २९ मार्च २०२५ रोजी शनी कुंभ राशीतून मीन राशीत प्रवेश केला आहे. या स्थितीमुळे सध्या शनिची साडेसाती चालू असलेल्या राशी आणि त्यांचावरील प्रभाव.

२९ मार्च २०२५ रोजी शनीने मीन राशीत प्रवेश केल्याने मेष राशीसाठी साडेसातीचा पहिला टप्पा सुरू झाला आहे. हा टप्पा साधारणपणे २.५ वर्षे चालेल आणि मे ३१, २०३२ पर्यंत याचा प्रभाव राहील. हा साडेसातीचा प्रारंभिक टप्पा असल्याने, नवीन आव्हाने आणि बदलांना सामोरे जावे लागू शकते. मानसिक तणाव, अज्ञात भय आणि काही प्रमाणात आरोग्याच्या किरकोळ समस्या जाणवू शकतात. आर्थिक नियोजनावर लक्ष देणे महत्त्वाचे आहे, कारण खर्चात वाढ होण्याची शक्यता आहे. करिअरमध्ये नवीन सुरुवात करताना किंवा महत्त्वाचे निर्णय घेताना अधिक सावधगिरी बाळगावी. नातेसंबंधातही काही गैरसमज निर्माण होऊ शकतात.

२९ मार्च २०२५ रोजी शनि मीन राशीत प्रवेश केल्याने, मीन राशीसाठी साडेसातीचा दुसरा टप्पा सुरू झाला आहे. हा टप्पा सुमारे २.५ वर्षे चालेल. साडेसातीचा मधला टप्पा सामान्यतः सर्वात त्रासदायक मानला जातो, कारण शनि थेट चंद्र राशीतून भ्रमण करतो. या काळात व्यक्तीला कठोर परिश्रमाचे फळ मिळते, परंतु ते मिळवण्यासाठी संघर्ष करावा लागू शकतो.

मीन राशीच्या लोकांना आर्थिक अडचणी, आरोग्याच्या मोठ्या समस्या किंवा कायदेशीर बाबींमध्ये अडथळे येऊ शकतात. कामाच्या ठिकाणी आणि कौटुंबिक जीवनात ताण वाढू शकतो. धैर्य आणि संयम ठेवणे अत्यंत महत्त्वाचे आहे.

कुंभ राशीवर साडेसातीचा शेवटचा टप्पा सुरू आहे. हा टप्पा २३ फेब्रुवारी २०२८ पर्यंत चालेल. हा साडेसातीचा शेवटचा टप्पा असल्याने, मागील संघर्षातून हळूहळू सुटका मिळू लागते. अडकलेली कामे मार्गी लागतील आणि मागील साडेपाच वर्षांच्या प्रयत्नांचे फळ मिळण्याची शक्यता असते. आर्थिक स्थिती सुधारेल आणि मानसिक तणावातून दिलासा मिळेल. आरोग्यात सुधारणा जाणवते आणि जीवनात एक प्रकारचा स्थैर्य व समाधान मिळू शकते. शनिदेव आता 'देऊन' जाणारा असल्याने, केलेल्या कर्मांनुसार शुभ फळे देतो.

साडेसातीचा त्रास कमी करण्यासाठी उपाय -दररोज हनुमान चालीसा किंवा बजरंग बाण वाचा. हनुमानजींच्या पूजेने शनिदेव प्रसन्न होतात. शनिवारी शनि मंदिरात दर्शन घ्या, मोहरीचे तेल अर्पण करा आणि तेलाचा दिवा लावा. 'ॐ शं शनैश्चराय नमः' किंवा 'ॐ प्रां प्रीं प्रौं सः शनैश्चराय नमः' या मंत्रांचा नियमितपणे जप करा.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)