Vastu Tips: घराचं सांडपाणी या दिशेलाच बाहेर पडायला हवं; एक चूक अनेक त्रासांचे मूळ कारण ठरते

मुंबई : घर वास्तुशास्त्रानुसार असणं फायदेशीर ठरतं. बऱ्याचदा सगळं ठीक असताना घरात वारंवार आजारपण येत राहतं. छोट्या-मोठ्या कारणांमुळे घरात कोणी आजारी असते, आर्थिक संकटाचा सामना करावा लागतो. कमावत्या व्यक्ती चांगली कमाई करत असतात पण त्यांना काही ना काही समस्या भेडसावत राहतात. असं होत असल्यास आपण घराच्या वास्तुशास्त्राकडे लक्ष दिलं पाहिजे. कुंडलीत ग्रहांची स्थिती योग्य असून भागत नाही तर वास्तुशास्त्रसुद्धा ठीक नसेल तर तुम्हाला नक्कीच त्रास सोसावा लागतो. वास्तुशास्त्रानुसार घरात सगळं ठीक असतानाही अडचणी येत असतील तर एकदा घरातून बाहेर पडणाऱ्या सांडपाण्याची दिशा पाहावी लागेल. वास्तुशास्त्रानुसार ती योग्य नसेल तर तुम्हाला त्रास जाणवू शकतो. घरातून बाहेर पडणारे सांडपाण्याविषयी वास्तु नियम जाणून घेऊ.