जबरदस्ती केली, शरीराला घेतला चावा, लॉ कॉलेज विद्यार्थिनीच्या सामूहिक अत्याचार प्रकरणात मोठी अपडेट

पीटीआयने दिलेल्या वृत्तानुसार, कोलकात्यातील साऊथ कलकत्ता लॉ कॉलेजच्या पहिल्या वर्षाच्या विद्यार्थिनीवर २५ जून रोजी महाविद्यालयाच्या तीन विद्यार्थ्यांनी तिच्यावर सामूहिक बलात्कार केल्याची तक्रार दाखल केली. गुरुवारी, तिन्ही आरोपींना अटक करण्यात आली आणि त्याच दिवशी पीडितेची वैद्यकीय तपासणी देखील करण्यात आली. वैद्यकीय अहवालात जबरदस्तीने शारीरिक संबंध, शरीरावर चाव्याच्या खुणा आणि नखांनी ओरखडे असल्याचे पुरावे आढळले आहेत, असे पोलीस अधिकाऱ्यांनी सांगितले. एका प्रश्नाच्या उत्तरात त्यांनी सांगितले की, मुख्य आरोपी, जो महाविद्यालयाचा माजी विद्यार्थी आणि प्रॅक्टिसिंग फौजदारी वकील आहे, त्याने तिच्यावर बलात्कार केला, तर इतर दोघे खोलीबाहेर पहारा देत होते.

मुख्य सरकारी वकील सोरिन घोषाल म्हणाले की, सर्वोच्च न्यायालयाच्या निकालानुसार, जर सामूहिक बलात्काराच्या घटनेत एका व्यक्तीनेही बलात्कार केला, परंतु बाकीचे त्याला मदत करत असतील किंवा पीडितेशी समान हेतू ठेवतात, तर ते देखील तितकेच दोषी आहेत. म्हणून, हा सामूहिक बलात्काराचा खटला आहे आणि या प्रकरणात तिघेही आरोपी आहेत.

कोलकाता पोलीस आयुक्त मनोज वर्मा आणि संयुक्त पोलीस आयुक्त (गुन्हे) रूपेश कुमार यांनी स्वतः कसबा पोलीस स्टेशन गाठले आणि घटनास्थळाची पाहणी केली. त्यांनी साऊथ कलकत्ता लॉ कॉलेजमध्ये जाऊन प्रकरणाच्या सखोल तपास केला. दोषींना कठोर शिक्षा झाली पाहिजे: कल्याण बॅनर्जी टीएमसी खासदार कल्याण बॅनर्जी म्हणाले की अशा घटना खूप लज्जास्पद आहेत आणि दोषींना कठोर शिक्षा झाली पाहिजे.

१२ तासांच्या आत तिन्ही आरोपींना अटक करण्यात आली आहे. राज्य सरकारनेही या प्रकरणावर प्रतिक्रिया दिली आहे. पश्चिम बंगालच्या मंत्री शशी पंजा म्हणाल्या की, पोलिसांना तक्रार मिळताच १२ तासांच्या आत तिन्ही आरोपींना अटक करण्यात आली. पीडितेचा जबाब नोंदवण्यात आला आहे आणि तिच्यावर उपचार सुरू आहेत. त्यांनी स्पष्ट केले की राज्य सरकार आणि पोलीस हे प्रकरण खूप गांभीर्याने घेत आहेत आणि अशा प्रकरणांमध्ये कोणतेही राजकारण होऊ नये.