कोण उठलंय मुनव्वर फारूकीच्या जीवावर? हत्येची दिली होती धमकी, वर्षभराने पोलिसांनी मुसक्या आवळल्या

मुंबई :  बॉलिवूडमध्ये अनेक कलाकारांना जीवे मारण्याच्या धमक्या येत आहेत. अभिनेता सलमान खाननंतर अभिनेता कपिल शर्माच्या कॅफेवर गोळीबार करण्यात आला. मध्यंतरी अभिनेत्री दिशा पाटनीच्या घरावर देखील गोळीबार झाला. त्याचबरोबर   प्रसिद्ध स्टँडअप कॉमेडियन, रॅपर आणि बिग बॉसचा विजेता मुन्नवर फारूकी याला काही दिवसांआधी जीवे मारण्याची धमकी आली होती. मुन्नवरची हत्या करण्याचा कट रचण्यात आला होता. यानंतर मुन्नवरच्या सुरक्षेत वाढ करण्यात आली होती. दरम्यान मुन्नवरच्या जीवावर उठलेल्या लोकांना पोलिसांनी ताब्यात घेतलं आहे. 2024मध्ये मुन्नवरला धमकी देण्यात आली होती. जवळपास वर्षभरानंतर मुन्नवरच्या जीवावर उठलेल्यांना पोलिसांनी ताब्यात घेतलं.