पहलगामनंतरही पाकिस्तानसोबत 'धंदा', खुष्कीच्या मार्गाने PAK चे ३९ कंटेनर मुंबईत, आतमध्ये काय सापडलं?

मुंबई : दहशतवादाविरोधी लढ्यात आंतरराष्ट्रीय पातळीवर पाकिस्तानला एकटे पाडण्यासाठी भारताच्या शिष्टमंडळाने कसोशीने प्रयत्न केले. अगदी कित्येक दशकांचा 'सिंधू करार' रद्द करून पाकिस्तानचे कंबरडे मोडण्याचा प्रयत्न केला. जोपर्यंत दहशतवाद थांबवला जात नाही तोपर्यंत कुठलीही चर्चा होणार नाही, असे राणा भीमदेवी थाटात सांगितले गेले. परंतु लपून छपून शत्रूराष्ट्र पाकिस्तानसोबत 'धंदा' सुरू आहे की काय? असा संशय यावा अशी कारवाई महसूल गुप्तचर संचलनालय अर्थात डीआरआयने नवी मुंबईच्या जवाहरलाल नेहरू बंदरावर (JNPT) केली आहे. खुष्कीच्या मार्गाने आलेले पाकिस्तानचे ३९ कंटेनर डीआरआयने ताब्यात घेतले आहे.