नवरात्रीत कोल्हापूरला भेट देताय? जाणून घ्या ‘नो एंट्री’पासून पार्किंगपर्यंत सर्व नियम, नाहीतर होईल मोठी अडचण!

शहर वाहतूक नियंत्रण शाखेचे पोलीस निरीक्षक नंदकुमार मोरे यांनी दिलेल्या माहितीनुसार, शहरातील अनेक महत्त्वाच्या चौकांमध्ये सकाळी ते रात्री १० वाजेपर्यंत अवजड वाहनांना प्रवेश दिला जाणार नाही. यामध्ये सीपीआर चौक, तोरस्कर चौक, गंगावेश, रंकाळा स्टँड, दसऱ्या चौक अशा प्रमुख ठिकाणांचा समावेश आहे.

वाहतूक कोंडी टाळण्यासाठी छत्रपती शिवाजी महाराज चौकातील केएमटी (Kolhapur Municipal Transport) बस थांबा तात्पुरता बंद ठेवण्यात आला आहे. बिंदू चौकाकडून छत्रपती शिवाजी चौकाकडे येणाऱ्या बसेस आता आईसाहेब महाराज पुतळा आणि स्वयंभू गणपती मंदिर चौकातून पुढे जातील. रिक्षा चालकांनी शिवाजी चौकात प्रवासी सोडण्यासाठी आझाद गल्ली कॉर्नर किंवा माळकर तिकटी परिसराचा वापर करावा. या काळात भवानी मंडप आणि माधुरी बेकरी समोरील रिक्षा थांबेही बंद असतील.

नवरात्रीत रात्रीच्या वेळी पालखी दर्शनासाठी किंवा दिवसभरात दुचाकीवरून येणाऱ्या स्थानिक भाविकांसाठी ७ ठिकाणी पार्किंगची व्यवस्था करण्यात आली आहे.