Video: 'नाशिक आहे भावा, इज्जत दे नाहीतर...' गुन्हेगारी स्टाईल रिल्स बनवणाऱ्या तरुणींचा पोलिसांनी उतरवला माज, खाक्या दाखवताच बदलली भाषा

नाशिक : नाशिक शहरात गेल्या 9 महिन्यात 46 खुनाच्या घटना घडल्यानंतर नाशिक पोलिसांनी मोठ्या प्रमाणात कारवाया सुरू केल्या आहेत. पोलिसांना आव्हान देणाऱ्या पोस्ट, रीलसह गुन्हेगारी घटनांवर धारित व्हिडीओ आणि रील्स सोशल मीडियावर मोठ्या प्रमाणावर व्हायरल होत आहे. या पार्श्वभूमीवर नाशिक पोलिसांनी आता कठोर पावलं उचलण्यास सुरुवात केली आहे. काही दिवसांपूर्वी गुन्हेगारी स्टाइलमध्ये रील तयार करून प्रसिद्धी मिळवणाऱ्या एका तरुणावर पोलिसांनी कारवाई केली होती. त्यानंतर आता दोन तरुणींनी तयार केलेला धमकीवजा रील सध्या सोशल मीडियावर प्रचंड व्हायरल होत आहे. या तरूणींना नाशिक पोलिसांनी चांगला धडा शिकवला आहे.