Thane: 150 ट्रकमध्ये गणपतीच्या मूर्ती, कचऱ्यात होते ठेवणार, गावकऱ्यांनी रोखलं; ठाण्यातील घटनेचा संतापजनक VIDEO

या घटनेवर शिवसेना (उद्धव बाळासाहेब ठाकरे) तर्फे तीव्र निषेध नोंदवण्यात आला आहे. जिल्हाप्रमुख दिपेश पुंडलिक म्हात्रे एक्स पोस्ट करत सत्ताधारी यांना सवाल उपस्थिती करत म्हणाले की, “स्वतःला हिंदुत्ववादी म्हणवणारे सरकारच जर आपल्या आराध्य दैवत गणरायाचा अपमान करत असेल तर तो महाराष्ट्र कधीही सहन करणार नाही. जबाबदार अधिकाऱ्यांवर तात्काळ गुन्हे दाखल व्हायला हवेत. गणरायाचा अपमान करणाऱ्यांना जागेवर आणल्याशिवाय आम्ही स्वस्थ बसणार नाही.” तर कल्याण ग्रामीण विधानसभा प्रमुख रोहिदास मुंडे यांनीही संताप व्यक्त करून म्हटलं की, “गणपती बाप्पा हे महाराष्ट्राच्या घराघरात पूजले जाणारे आराध्य दैवत आहेत. विसर्जनानंतर मूर्तींचा अवमान हा धार्मिक भावनांचा अपमान आहे. संबंधित अधिकाऱ्यांवर गुन्हे दाखल करावेत. या असंवेदनशील शासनाचा विसर्जनाचा दिवस लांब नाही.”

दरम्यान,स्थानिक राहिवाशांनी सांगितले की हिंदूंच्या सरकारची ही भूमिका बघून वेदना होतायत. संबंधित मुंबई आणि ठाणे महापालिका अधिकार्‍यांवर कारवाई व्हायला हवी अशी मागणी ग्रामस्थांनी केली आहे. त्यामुळे आता या प्रकरणात पुढे काय होते ते पहावे लागेल....