Maharashtra Elections 2024 : ठाकरे गटाकडून कोणत्या शिलेदारांना संधी? कामाला लागण्याच्या सूचना, संभाव्य उमेदवारांची यादी समोर!

विधानसभा निवडणुकांची घोषणा झाली आहे. मात्र अद्याप महाविकास आघाडीचे जागावाटप जाहीर झालेले नाही. मात्र तिन्ही पक्षांमध्ये 250 जागांवर एकमत झाले आहे. जवळपास 25 जागांवर तोडगा निघाला नसून मित्रपक्षांच्या वाट्याला कोणत्या जागा द्यायच्या, यावर अद्याप निर्णय झालेला नाही. मुंबईत शिवसेना ठाकरे गट मोठा भाऊ असणार आहे. तर, पश्चिम महाराष्ट्रात राष्ट्रवादी शरद पवार गटाकडे सर्वाधिक जागा असल्याची माहिती सूत्रांनी दिली. काँग्रेस विदर्भात सर्वाधिक जागांवर लढवणार असून काही जागांबाबत शिवसेना ठाकरे गटासोबत वाद असल्याची चर्चा आहे.

या सगळ्या पार्श्वभूमीवर शिवसेना (उद्धव बाळासाहेब ठाकरे) पक्षाच्या संभाव्य उमेदवारांची यादी समोर आली आहे. यातील काही उमेदवारांना निवडणुकीच्या प्रचाराला लागण्याची सूचना देण्यात आल्याची माहिती आहे.

> आदित्य ठाकरे - वरळी

> सुनील राऊत - विक्रोळी

> सुनील प्रभू - दिंडोशी

> अजय चौधरी - शिवडी

> ऋतुजा लटके - अंधेरी पूर्व

> संजय पोतनीस - कलिना

> प्रकाश फातर्पेकर - चेंबुर

> रमेश कोरगांवकर - भांडुप पश्चिम