पुरीतील श्री गुंडिचा मंदिरात चेंगराचेंगरी, जगन्नाथाच्या रथाचं दर्शन घेताना तीन भाविकांचा मृत्यू, अनेक जखमी

ओडिशातील पुरी येथील श्री गुंडीचा मंदिर परिसरात मोठी चेंगराचेंगरीची घटना घडली आहे. भगवान जगन्नाथाच्या रथाला स्पर्श करण्यासाठी येथे भाविकांची मोठी गर्दी जमली होती. यादरम्यान चेंगराचेंगरी झाली, ज्यामध्ये तीन जणांचा मृत्यू झाल्याची माहिती समोर आली आहे. तर अनेक भाविक जखमी झाल्याचं कळत आहे. रविवारी पहाटे ४ ते ५ च्या दरम्यान ही चेंगराचेंगरीची घटना घडली. घटनास्थळी कोणतीही रुग्णवाहिका नव्हती. अशा परिस्थितीत लोकांनी स्वतः जखमींना उचलून रुग्णालयात नेले. मात्र, आता तेथील परिस्थिती पूर्वपदावर आणण्यात आली आहे.