चिकनचं की मटणाचं, आजारपणात कोणतं सूप पिणं फायदेशीर? कशामुळे आजार जातात पळून?

चिकन, मटणाचे विविध पदार्थ आपण आवडीनं खातो. नुसतं सूप प्यायलं तरी आजारपण पळून जातात. शरीरातला थकवाही दूर होतो.

मटणाच्या नळ्या खूप भक्कम असतात. परंतु आरोग्यासाठी चिकन जास्त पौष्टिक असतं, असं तज्ज्ञ सांगतात.

तज्ज्ञांनी दिलेल्या माहितीनुसार, मटणामुळे शरीरात कोलेस्ट्रॉल वाढू शकतं. तसंच चिकन खाण्यापूर्वी त्यातले फॅट पूर्णपणे काढणं आवश्यक असतं. चिकन स्वच्छ धुवून घ्यावं. त्यात जास्त मसाले वापरू नये. चिकन नुसतं उकडून खाल्लं किंवा त्याचा सूप प्यायला तरी भरपूर पोषक तत्त्व मिळतात. त्यातही बॉयलर कोंबडीपेक्षा गावरान कोंबडीचं चिकन आरोग्यासाठी फायदेशीर असतं.

दररोज 50 ग्रॅम जरी चिकन खाल्लं तरी ते शरिरासाठी फायद्याचं ठरतं, असं तज्ज्ञांनी सांगितलं. तसंच तुम्ही जर मांसाहारप्रेमी असाल तर आहारात चिकनचा आवर्जून समावेश करावा, असा सल्लाही त्यांनी दिला.

तज्ज्ञांनी असंही सांगितलं की, चिकनमध्ये भरपूर पोषक तत्त्व असतात. परंतु आजारी व्यक्तीला चिकन देण्यापेक्षा मटणापासून तयार होणारं पाया सूप दिलं तर उत्तम, त्यामुळे लवकर आराम मिळू शकतो.