आयुष्यभर तुम्ही चुकीच्या पद्धतीने करताय पॉटी; पोटाच्या डॉक्टरांनी सांगितली योग्य पद्धत

लघवी, शौच या शरीराच्या नैसर्गिक क्रिया. शरीरातील विषारी किंवा नको असलेले घटक शरीराबाहेर काढण्याचा मार्ग. त्यामुळे अत्यंत महत्त्वाची अशी ही शारीरिक क्रिया. पण तुम्हाला वाचून धक्का बसेल, तुम्ही आयुष्यभर करत आलेली ही क्रिया चुकीच्या पद्धतीने करत आहात.

आयुष्यभर तुम्ही चुकीच्या पद्धतीने पॉटी करत आहात, असं एका पोटाच्या डॉक्टरने म्हटलं आहे. पॉटी करताना लोक 3 चुका करत आहेत, असं सांगत त्यांनी याबाबत माहितीही दिली आहे. डॉ. सौरभ सेठी असं या डॉक्टरचं नाव. ते गॅस्ट्रोएन्टेरोलॉजिस्ट म्हणजेच पोटांचे डॉक्टर आहेत. नी सोशल मीडियावर व्हिडीओ पोस्ट केला आहे.

डॉ. सौरभ सेठी यांनी सांगितलं की, पॉटी करताना बहुतेक लोक सगळ्यात पहिली चूक करतात ती म्हणजे जोर लावणं. यामुळे मूळव्याध, फिशर अशा गुदद्वारासंबंधी समस्या उद्भवतात. रेक्टल प्रोलॅप्स म्हणजे मलमार्ग किंवा मलाशय सरकण्याची समस्या उद्भवते. त्यामुळे पॉटी करताना जोर लावू नका, तर जोर लावण्यापेक्षा दीर्घ श्वास घ्या, असा सल्ला त्यांनी दिला आहे.

डॉ. सौरभ सेठी यांनी सांगितलेली दुसरी चूक म्हणजे बरेच लोक बाथरूम किंवा टॉयलेटमध्ये फोन घेऊन जातात आणि बराच वेळ टॉयलेटमध्ये बसतात. जास्त वेळ शौचाला बसणं म्हणजे रेक्टल वेईन्सवर ताण येतो आणि यामुळे मूळव्याध होऊ शकतो. पॉटी करत असाल तर 5 मिनिटात आवरा, त्यापेक्षा जास्त वेळ बसू नको.

डॉ. सौरभ सेठी यांनी सांगितलेली तिसरी आणि शेवटची चूक ज्याला त्यांनी सगळ्यात महत्त्वाचं म्हटलं आहे. ती म्हणजे पॉटी अडवणं. काही लोकांना ही सवय असते. यामुळे मल अधिक कडक होतो आणि बद्धकोष्ठता होते. म्हणजे पॉटी घट्ट झाल्याने शौचाला साफ होत नाही. (सर्व फोटो : प्रतीकात्मक)