Diwali 2025 : दिवाळीला गावी जाणाऱ्या प्रवाशांसाठी सुखद बातमी, पुणे ते नागपूर धावणार जनशिवनेरी, असे करा तिकीट बुक

पुणे: दिवाळीचा सण जवळ येत असताना गावी जाणाऱ्या प्रवाशांची लगबग सुरू झाली आहे. विशेषत: विदर्भातील नागपूर, अमरावती, यवतमाळ या भागात जाणाऱ्यांची संख्या दरवर्षीप्रमाणे यंदाही मोठी आहे. पुण्याहून नागपूरकडे लांब पल्ल्याचा प्रवास करणाऱ्या प्रवाशांना दिवाळीच्या काळात अधिक सुविधा मिळाव्यात यासाठी महाराष्ट्र राज्य मार्ग परिवहन महामंडळाने (एसटी महामंडळ) एक विशेष उपक्रम हाती घेतला आहे. त्यानुसार पुणे ते नागपूर या मार्गावर जनशिवनेरी बससेवा सुरू करण्यात येणार आहे.