Trending:

Rohit Sharma Video: अरे तुझाच वेट करतोय, डेडली ग्रुप आहे हा...; जा तिकडे, मला एक फोटो काढायचा- रोहित शर्माचा व्हिडिओ व्हायरल

Published by:Jaykrishna Nair

Last Updated:March 29, 2025 4:29 PM IST

Rohit Sharma Marathi Video: मुंबई इंडियन्सची लढत गुजरात टायटन्स विरुद्ध अहमदाबादच्या नरेंद्र मोदी स्टेडियमवर होणार आहे. या लढतीचा सराव करताना रोहित शर्माचा मराठीत बोलतानाचा व्हिडिओ चर्चेत आहे.

इम्पॅक्ट शॉटतुमचा गेटवे लेटेस्ट न्यूज

मुंबई: आयपीएलच्या १८व्या हंगामात आज २९ मार्च रोजी मुंबई इंडियन्सची लढत गुजरात टायटन्स विरुद्ध होणार आहे. MI vs GTची ही लढत अहमदाबादच्या नरेंद्र मोदी स्टेडियमवर होणार आहे. आयपीएल २०२५ मध्ये मुंबईने चेन्नई विरुद्धची पहिली मॅच गमावली होती. आता दुसऱ्या लढतीत मुंबई विजयाचे खाते उघडेल अशी आशा आहे. दरम्यान मुंबईचा सलामीवीर आणि माजी कर्णधार रोहित शर्माचा एक व्हिडिओ सोशल मीडियावर चर्चेत आला आहे.

मुंबईचा संघ गुजरात विरूद्धच्या सामन्याची तयारी करत आहे. ही तयारी सुरू असताना रोहित शर्माचा एक व्हिडिओ MIने सोशल मीडियावर पोस्ट केला आहे. यात रोहित एक मोठा कॅमेरा घेऊन कोणाचा तरी फोटो काढतोय. त्याच वेळी कोणी तरी मोबाईलवर त्याचे शुटिंग घेत आहे. तेव्हा रोहित एका व्यक्तीला म्हणतोय की, अरे तुझाच वेट करतोय. तू पण जा तिकडे. डेडली ग्रुप आहे हा. आशिष नेहरा, सत्यजित परब, पार्थिव पटेल, विक्रम सोलंकी. डेडली आहे... जा ना तिकडे. जा तिकडे, मला एक फोटो काढायचा आहे. त्यावर संबंधित व्यक्ती त्याला म्हणते, आपण एक सेल्फी काढू. त्यावर रोहित त्याला म्हणतो, तू जा तरी तिकडे, मी येतो. हे सर्व रोहित मराठीत बोलतो.

ATM मधून पैसे काढण्याआधी 10 वेळा विचार करा, ही चूक केल्यास Account होईल रिकामे

रोहित शर्माचा हा व्हिडिओ सर्व चाहत्यांना प्रचंड आवडला आहे. रोहितला फार कमी वेळा अशा पद्धतीने मराठीत बोलताना पाहिले आहे.

Presenting the Deadly Cameraman - Rohit Sharma 🤣📸#MumbaiIndians #PlayLikeMumbai #TATAIPL #GTvMI pic.twitter.com/U0UsNixb3k

— Mumbai Indians (@mipaltan) March 28, 2025

व्हिडिओमध्ये पुढे रोहित मैदानात असलेल्या सत्यजित परब, पार्थिव पटेल, विक्रम सोलंकी यांना भेटतो. विक्रम सोलंकी रोहितला मुलगा झाल्याबद्दल शुभेच्छा देखील देताना व्हिडिओमध्ये दिसत आहे.

MIने शेअर केलेला हा व्हिडिओ खुप व्हायरल होत आहे. अनेकांनी रोहितच्या मराठीचे कौतुक देखील केले आहे. याआधी रोहितच्या नेतृत्वाखाली जेव्हा भारताने टी-२० वर्ल्डकप जिंकला होता तेव्हा महाराष्ट्र सरकारने विधानसभेच्या सभागृहात त्याचा सत्कार केला होता. तेव्हा रोहितने मराठीत भाषण केले होते.

भारतीय लष्करासाठी ऐतिहासिक दिवस: पाकिस्तान,चीन बसला झटका; मिळाले 'ब्रह्मास्त्र'

आयपीएलमध्ये मुंबई इंडियन्सला पाच वेळा विजेतपद मिळून देणाऱ्या रोहित शर्माने काही दिवसांपूर्वी देशाला आयसीसी चॅम्पियन्स ट्रॉफीचे विजेतेपद मिळून दिले होते. आयपीएलच्या पहिल्या सामन्यात तो शून्यावर बाद झाला होता. आता दुसऱ्या लढतीत हिटमॅनची दमदार फलंदाजी पाहता येईल अशी चाहत्यांना आशा असेल.

view comments

Location :

Mumbai,Maharashtra

First Published :

March 29, 2025 4:29 PM IST

Rohit Sharma Video: अरे तुझाच वेट करतोय, डेडली ग्रुप आहे हा...; जा तिकडे, मला एक फोटो काढायचा- रोहित शर्माचा व्हिडिओ व्हायरल