Trending:

Indian Railway : तिकिट बुकिंगवर 20 टक्के डिस्काउंट, काय आहे रेल्वेची 'राउंड ट्रिप पॅकेज' स्कीम? वाचा संपूर्ण अटी-शर्ती

Published by:Devika Shinde

Last Updated:August 15, 2025 6:35 PM IST

रेल्वेने नवीन ऑफर आणली आहे आणि सीझनच्या आधी प्रवाशांची चांगलीच बचत होणार आहे. मात्र ही योजना मर्यादित कालावधीसाठी असल्याने काही अटी पाळणं गरजेचं आहे.

आता ट्रेनच्या तिकिटांवर तब्बल 20 टक्क्यांपर्यंत सूट मिळणार आहे. मोठे असोत की लहान, ज्येष्ठ नागरिक असोत की तरुण—रेल्वेच्या या ऑफरचा लाभ सर्व प्रवाशांना घेता येणार आहे. याआधी वरिष्ठ नागरिक, विद्यार्थी अशा काही प्रवाशांना तिकिटावर सूट मिळायची, मात्र कोविड काळात त्या सर्व योजना बंद करण्यात आल्या होत्या.

आता पुन्हा रेल्वेने नवीन ऑफर आणली आहे आणि सीझनच्या आधी प्रवाशांची चांगलीच बचत होणार आहे. मात्र ही योजना मर्यादित कालावधीसाठी असल्याने काही अटी पाळणं गरजेचं आहे.

20% डिस्काउंटची ऑफर काय आहे?

रेल्वेच्या या योजनेला ‘राउंड ट्रिप पॅकेज’ नाव देण्यात आलं आहे. या अंतर्गत जर आपण ये-जा (जाण्याचा आणि परतीचा) प्रवासाचे तिकिट एकत्र बुक केलं, तर एकूण रकमेत 20 टक्क्यांची सूट मिळेल.

योजना कधीपासून सुरु झाली?

‘राउंड ट्रिप पॅकेज’ अंतर्गत तिकिट बुकिंग 14 ऑगस्ट 2025 पासून सुरू झाली आहे. ही योजना सध्या प्रायोगिक स्वरूपात सुरू आहे. फीडबॅक चांगला मिळाल्यास हळूहळू ती देशभर कायमस्वरूपी लागू होऊ शकते.