Ganesh Chaturthi 2025: सार्वजनिक गणेश मंडळाच्या मूर्तीची प्राणप्रतिष्ठा विधी; असं आणावं मूर्तीमध्ये देवत्व

मुंबई : यंदा ऑगस्ट महिन्याच्या शेवटी लाडक्या गणरायाचे आगमन होणार आहे. 27 ऑगस्ट रोजी गणेश चतुर्थी तिथी असून सार्वजनिक गणेश मंडळांना बाप्पाच्या आगमनाची आस लागली आहे. गणेश मंडळांनी आत्तापासून जय्यत तयारी करण्यास सुरुवात केली आहे. गणेशोत्सव हा महाराष्ट्रातील प्रमुख सणांपैकी एक असतो, कोकणसह राज्यातील विविध भागांमध्ये त्याची निरनिराळ्या पद्धतीनं पूजा केली जाते. सार्वजनिक गणेश मंडळाच्या मूर्तीची प्राणप्रतिष्ठा करताना काही नियम कटाक्षानं पाळावे. प्राणप्रतिष्ठा म्हणजे मूर्तीमध्ये देवत्व आणि चैतन्य आणणे, जेणेकरून ती केवळ एक मातीची किंवा धातूची कलाकृती न राहता, साक्षात गणेश देवाचे रूप बनेल. हा विधी योग्य आणि शास्त्रोक्त पद्धतीने करणे आवश्यक असते. आज याविषयी सविस्तर समजून घेऊ.