पुणे-सातारा प्रवास, 150चा स्पीड, गाडी डिव्हायडरला धडकली अन्.... प्रियदर्शिनीने सांगितला भीषण अपघाताचा तो थरार

Priyadarshini Indalkar : 'महाराष्ट्राची हास्यजत्रा' फेम प्रियदर्शिनी इंदलकरचा काही वर्षांपूर्वी गंभीर अपघात झाला होता. प्रियदर्शिनी नववीत असताना एका लोकप्रिय रिअॅलिटी शोमध्ये सहभागी झाली होती. विशेष म्हणते ती या कार्यक्रमाची विजेती ठरली होती. या कार्यक्रमादरम्यान आईसोबत पुण्यावरुन साताऱ्याला जात असताना प्रियदर्शिनीचा गंभीर अपघात झाला होता. पोटाला, हाताला दुखापत झालेली असताना, मोठ्या प्रमाणात रक्तस्त्राव होताना प्रियदर्शिनी डॉक्टरांच्या योग्य उपचारांमुळे थोडक्यात बचावली होती. डॉक्टरांनी योग्य उपचार केले नसते तर प्रियदर्शिनीचा जीव धोक्यात होता. त्यामुळे डॉ. जाधवांमुळे मला जीवदान मिळालं असल्याचं प्रियदर्शिनी सांगते.