Disadvantage of Bathua: आरोग्यदायी चाकवत ‘या’ व्यक्तींसाठी ठरू शकते धोक्याची; ‘या’ लक्षणांकडे दुर्लक्ष करणं पडू शकतं महागात

मुंबई : हिवाळ्यात अनेक प्रकारच्या पालेभाज्या बाजारात येतात. चाकवत ही सुद्धा हिवाळ्यात उगवणारी एक पालेभाजी आहे. हिमालयाच्या पश्चिम भागात व महाराष्ट्रात चाकवतीचं पीक घेतलं जातं. चाकवतीला उत्तर भारतात बथुआ या नावानं ओळखलं जातं. चाकवतीच्या भाजीमध्ये व्हिटॅमिन ए, व्हिटॅमिन सी, व्हिटॅमिन बी-कॉम्प्लेक्स, कॅल्शियम, लोह आणि पोटॅशियम अशी पोषक तत्वं आढळून येतात. त्यामुळे हिवाळ्यात फिट आणि तंदुरूस्त राहण्यासाठी चाकवतीची भाजी खाणं फायद्याचं ठरतं. मात्र असं जरी असलं तरीही अशी आरोग्यदायी चाकवतीची भाजी किंवा बथुआची भाजी सगळ्यांसाठीच फायद्याची ठरत नाही. आजच्या लेखात जाणून घेऊयात कोणत्या व्यक्तींसाठी चाकवतीची भाजी खाणं हे धोक्याचं ठरतं.