Homemade Lip Balm: हिवाळ्यात फाटतात तुमचे ओठ, मग घरीच बनवा तुमच्या आवडीचा इकोफ्रेंडली लिपबाम

घरीत लिप बाम तयार करणं सोपं आहे. सगळ्यात आधी खोबरेल तेल आणि मधमाशीचं मेण एकत्र करून ते वितळवून घ्या. मग त्यात मध आणि व्हिटॅमिन ईचं तेल टाका. गरम असताना पूर्ण मिश्रण व्यवस्थितपणे ठवळून घ्या.जेणेकरून त्यातले सगळे पदार्थ एकमेकांमध्ये पूर्णपणे मिसळून जातील. मिक्स केल्यानंतर या मिश्रणाला एका छोट्या डबीत किंवा वाटीत काढून त्याला थंड होऊ द्या. थंड झाल्यानंतर तुमचं घरगुती नैसर्गिक लिप बाम तयार झालेलं असेल. या लिपबाममध्ये कोणतीही रसायनं नसल्याने या बामच्या वापराने तुमच्या आरोग्याला धोका निर्माण होणार नाही. या नैसर्गिक लिपबामचा वापर तुम्ही दिवसातून 2 ते 3 वेळा करू शकता. नैसर्गिक पदार्थांच्या वापराने तयार झालेला हा लिपबाम दीर्घकाळ टिकतो. त्यामुळे ओठ दीर्घकाळ मुलायम आणि तजेलदार राहायला मदत होते.

जर तुम्हाला वर सांगितलेल्या पद्धतीने लिपबाम बनवता येत नसेल तर तूप किंवा तवकीर लावण्याचा सल्ला आपली आजी किंवा आई देते. तुपातले फॅट्समुळे ओठांच्या त्वचेच्या खोलवर जाऊन त्वचा हायड्रेट ठेवायला मदत करतात. त्यामुळे ओठ कोरडे पडण्याची समस्या काही अंशी कमी होऊ शकते. तुम्ही ओठांना तवकीर लावल्यामुळे त्यात असलेल्या औषधी गुणधर्मांचा फायदा ओठांना होतो.