Trending:

Team India : द्रविडशी पंगा, रोहितचंही ऐकलं नाही, टीमबाहेर काढलेल्या स्टारचा गिलच्या जागेवर दावा!

Published by:Shreyas Deshpande

Last Updated:December 15, 2025 5:16 PM IST

मागच्या 18 टी-20 आंतरराष्ट्रीय सामन्यांमध्ये एकही अर्धशतक न झळकावलेल्या शुभमन गिलचा फॉर्म टीम इंडियासाठी चिंतेचा विषय बनला आहे.

इम्पॅक्ट शॉटतुमचा गेटवे लेटेस्ट न्यूज

द्रविडशी पंगा, रोहितचंही ऐकलं नाही, टीमबाहेर काढलेल्या स्टारचा गिलच्या जागेवर दावा!

मुंबई : मागच्या 18 टी-20 आंतरराष्ट्रीय सामन्यांमध्ये एकही अर्धशतक न झळकावलेल्या शुभमन गिलचा फॉर्म टीम इंडियासाठी चिंतेचा विषय बनला आहे. दक्षिण आफ्रिकेविरुद्धच्या तिसऱ्या टी-20 सामन्यात गिलने 28 बॉलमध्ये 28 रन केले. 7 फेब्रुवारीपासून भारतात टी-20 वर्ल्ड कप सुरू होत आहे, त्याआधी टीम इंडिया दक्षिण आफ्रिकेविरुद्ध 2 आणि न्यूझीलंडविरुद्ध 5 टी-20 अशा एकूण 7 मॅच खेळणार आहे, त्यातच शुभमन गिलचा फॉर्म बघता त्याला टी-20 वर्ल्ड कपच्या टीममध्ये निवडायचं का नाही? असा प्रश्न निर्माण झाला आहे.

शुभमन गिलला टीममधून वगळलं तर यशस्वी जयस्वाल आणि संजू सॅमसन हे दोन पर्याय तयार आहेत, पण त्यातच आता आणखी एका खेळाडूने ओपनरच्या जागेवर दावा ठोकला आहे. सय्यद मुश्ताक अली टी-20 ट्रॉफीमध्ये इशान किशनच्या नेतृत्वात झारखंडने लागोपाठ 9 वा विजय मिळवला. मध्य प्रदेशविरुद्धच्या सामन्यात इशान किशनने वादळी अर्धशतक झळकावलं, त्यामुळे झारखंडने मध्य प्रदेशचा 1 रनने पराभव केला.

झारखंडने पहिले बॅटिंग करत 20 ओव्हरमध्ये 9 विकेट गमावून 181 रन केल्या, या आव्हानाचा पाठलाग करताना मध्य प्रदेशला 20 ओव्हरमध्ये 4 विकेट गमावून 180 रनच करता आल्या, त्यामुळे या सामन्यात झारखंडचा एक रनने थरारक विजय झाला.

झारखंडचा कर्णधार इशान किशनने ओपनिंगला बॅटिंग करत 200 पेक्षा जास्तच्या स्ट्राईक रेटने 24 बॉलमध्ये अर्धशतक पूर्ण केलं. इशानने त्याच्या खेळीमध्ये 30 बॉल खेळून 5 सिक्स आणि 4 फोरच्या मदतीने 63 रन बनवले. इशान किशनची विकेट गेल्यानंतर झारखंडच्या कोणत्याच बॅटरला मोठा स्कोअर करता आला नाही. इशानशिवाय अनुकूल रॉयने 29 रन केले.

इशान किशनचा द्रविडसोबत पंगा

राहुल द्रविड प्रशिक्षक असताना इशान किशन टीम इंडियातून बाहेर गेला होता. 2023-24 च्या मोसमात इशान किशनने वैयक्तिक कारणासाठी क्रिकेटमधून ब्रेक घेतला, तेव्हा प्रशिक्षक राहुल द्रविड आणि बीसीसीआयने इशान किशनला देशांतर्गत क्रिकेट खेळण्यासाठी आग्रह धरला, पण इशान किशनने याला नकार दिला, तेव्हापासून इशान किशन टीम इंडियातून बाहेर आहे.

view comments

Location :

Mumbai,Maharashtra

First Published :

December 15, 2025 5:16 PM IST

Team India : द्रविडशी पंगा, रोहितचंही ऐकलं नाही, टीमबाहेर काढलेल्या स्टारचा गिलच्या जागेवर दावा!

तेजस्वींचा भाजपात प्रवेश, १२ तास आधी घरात काय घडलं? सासरे घोसाळकरांनी सगळंच सांग

तेजस्वींचा भाजपात प्रवेश, १२ तास आधी घरात काय घडलं? सासरे घोसाळकरांनी सगळंच सांग
तेजस्वींचा भाजपात प्रवेश, १२ तास आधी घरात काय घडलं? सासरे घोसाळकरांनी सगळंच सांग
तेजस्वींचा भाजपात प्रवेश, १२ तास आधी घरात काय घडलं? सासरे घोसाळकरांनी सगळंच सांग

View All