Hemant Dhome : 'नाहक बळी जात राहणार...' 4 वर्षांच्या चिमुकलीचा मृत्यू, हेमंत ढोमेची पोस्ट चर्चेत
- Published by:Minal Gurav
Last Updated:
Hemant Dhome Post : हेमंत ढोमेनं नुकतीच एक पोस्ट शेअर करून थेट सरकारला प्रश्न विचारला आहे. 'नाहक बळी जात राहणार' असं म्हणत त्याने पोस्ट लिहिली आहे.
मुंबई : प्रसिद्ध मराठी अभिनेता, दिग्दर्शक हेमंत ढोमे सोशल मीडियावर सक्रीय असतो. हेमंत सध्या त्याच्या क्रांतीज्योती विद्यालय मराठी माध्यम या सिनेमाच्या शूटींगमध्ये बिझी आहे. कोकणात सिनेमाचं शूटींग करण्यात आलंय. हेमंत एका वेगळ्या विषयावरचा सिनेमा प्रेक्षकांच्या भेटीला घेऊन येत आहे. हेमंत त्याच्या सोशल मीडियावरही अनेक विषयांवर त्याची मतं मांडत असतो. हेमंतनं नुकतीच एक पोस्ट शेअर करून थेट सरकारला प्रश्न विचारला आहे. 'नाहक बळी जात राहणार' असं म्हणत त्याने पोस्ट लिहिली आहे.
शिरुरमधील पिंपरखेड गावात 12 ऑक्टोबर रोजी एक धक्कादायक घटना घडली. या घटनेशी संदर्भात हेमंत ढोमेनं पोस्ट लिहिली आहे. गावात भर दिवसा एका चार वर्षांच्या मुलीवर बिबट्यानं हल्ला केला. या हल्ल्यात चिमुकलीचा मृत्यू झाला. चिमुकलीच्या मृत्यूने संपूर्ण गाव हळहळला. हावात भीतीचं वातावरण असून गावकऱ्यांमध्ये संताप व्यक्त केला जात आहे.
advertisement
शिरुर पिंपरखेड हे हेमंतचं नाव आहे. हेमंतच्या गावात ही घटना घडली आहे. गावात घडलेल्या प्रकारानंतर हेमंतनं सरकारला ठोस पाऊलं उचलण्याची विनंती केली आहे. हेमंतने त्याच्या पोस्टमध्ये लिहिलंय, "सदर घटना ही माझ्या गावातील असून अत्यंत दुर्दैवी आहे… आमचे खासदार अमोल कोल्हे यांनी वारंवार या संदर्भात पाठपुरावा केला आहे परंतु सरकार कडून काहीही ठोस पावले उचलली जात नाहीत."
advertisement
हेमंतने पुढे लिहिलंय, "मानव आणि जंगली प्राण्यांच्या या संघर्षात दोघांनाही जगता यावं या करता दूरगामी उपाययोजनेची गरज आहे. नुसते पिंजरे लाऊन काही होणार नाही. नाहक बळी जात राहणार आणि याचे रूपांतर लोक कायदा हातात घेणार असं होणार"
हेमंतनं शेवटी लिहिलंय, "सरकारने लवकरात लवकर यात लक्ष घालायला हवं! लोक शिक्षण आणि इतर बऱ्याच बाबींची गरज आहे. खूप काही करता येऊ शकतं."
view commentsLocation :
Mumbai,Maharashtra
First Published :
October 13, 2025 4:01 PM IST
मराठी बातम्या/मनोरंजन/
Hemant Dhome : 'नाहक बळी जात राहणार...' 4 वर्षांच्या चिमुकलीचा मृत्यू, हेमंत ढोमेची पोस्ट चर्चेत
