BMC Elections : उद्धव ठाकरेंना बालेकिल्ल्यातच शिंदे गटाने घेरलं, बीएमसी निवडणुकीआधी मोठ्या हालचाली...

मुंबई : राज्यातील आगामी स्थानिक स्वराज्य संस्थांच्या निवडणुकीसाठीची तयारी सगळ्याच राजकीय पक्षांनी केल्या आहेत. या निवडणुकांमध्ये मुंबई महापालिकेची निवडणूक लक्षवेधी ठरणार आहे. मुंबई महापालिकेत उद्धव ठाकरेंना धोबीपछाड देण्यासाठी भाजप आणि शिवसेना शिंदे गटाकडून जोरदार प्रयत्न सुरू केले आहेत. आपली ताकद मुंबईतही असून ठाकरेंची ताकद कमी झाल्याचे दाखवण्याचे प्रयत्न आता शिंदे गटाकडून सुरू आहे. शिंदे गटाने आपलं बळ वाढवण्यास सुरुवात केली आहे. ठाणे नव्हे तर मुंबईतही आपली ताकद असण्याचा प्रयत्न शिंदे गटाकडून होत आहे. शिंदे गटाने टप्प्याटप्प्याने मुंबईत कार्यक्रम करण्यास सुरुवात केली असल्याची चर्चा सुरू झाली आहे.